 |
| Rubén no High Performance Center de Vila Nova de Gaia |
A pasada fin de semana, Rubén García, participou no Open de Portugal formando parte do equipo Junior Spain E, con Martin Regueiro de Cambados e Santiago Otero do Cidade de Narón.
O equipo acadou a décima posición, logo de non ser capaz de vencer nos enfrontamentos de grupo con Spain B, Netherlands e Portugal E.
A nivel individual, Rubén xogou co internacional portugués Diogo Chen do Sporting de Lisboa, quen non lle dou opción, pero que si foi capaz de vencer a outro portugués, Nuno Correia, por un claro 3-0, pasando segundo de grupo ao cadro final, entrando na previa de dezaseisavos de final con outro portugués, Francisco Moreira, que venceu ao noso atleta por 3-0, finalizando así a súa participación na súa primeira convocatoria a nivel español para un evento ITTF.
