MARIA CALVO, 1ª ABSOLUTA NO V TORNEO "CIDADE DE FERROL"

Foto de grupo cos premiados o domingo nos tres eventos

O sábado e domingo disputaronse 3 eventos en San Xoan, entre eles o V Torneo Cidade de Ferrol en todalas categorias, e puntuable para os diferentes rankings galegos.

Salientar no torneo o primeiro lugar de María Calvo na modalidade absoluta, así como o segundo lugar de Rubén García, e o 3º de Irene Fernández.

Nas categorías de idade, salientar a Xoan Vila, 2º pre-benxamin, Iago Grueiro 3º pre-b, Adrian Ramallo 3º benxamin, na xuvenil Adrian Bereijo 2º e Fernando Orjales 3º, Rubén García 2º na senior.

Tamén José Manuel Fernández logrou vencer en veteranos +40 e Ton Casal 3º en veteranos de mais de 50 anos.

Foi moi significativo a grande participación, sobre todo nas categorias mais baixas, pre-benxamin, benxamin, alevin e infantil, froito da labor do traballo de base dos clubs.

SAN XOAN ADM CAMPION GALEGO

Alberto Novo e Alvaro Illobre co trofeo de campións

Unha vez mais Alberto e Alvaro, conquistan un novo título para o club, ao vencer na modalidade de equipos do galego para persoas con discapacidade física, acompañados no poidium polos dous equipos do Grumico de A Coruña.

Ademais Alberto acadou o campionato individual e Alvaro o bronce, demostrando que son uns grandes deportistas, que forman parte da cada vez mais grande familia do club San Xoan.

XOAN VILA, SUBCAMPION GALEGO PREBENXAMIN

IAGO GRUEIRO, SANTIAGO MARTINEZ E LUIS TERRADILLOS, FORON APEADOS EN OITAVOS

Xoan Vila

Xoán comezou nesta tempada a práctica do tenis de mesa, con 8 anos, na escola deportiva do club, compaxinanadoo con outros deportes.

Disputaba o seu primeiro campionato, ao igual que Iago Grueiro, Santiago Martinez e Luis Terradillos, e disfrutamos vendo que a pesar de xogar na casa, o que dá un pouco mais de responsabilidade polo apoio da grada, souberon competir a un boisimo nivel todos.

Pero Xoan, o incansable correcamiños (chega a todalas bolas) fixo que polo menos un dos 4 trofeos en disputa, quedara na casa, foi o subcampionato, xa que únicamente cedeu na final, co narónés Brais Rodriguez por 3-1, pero antes en grupos venceu ao nº 3 do ranking o pontevedrés Adrián Molina, e nas semifinais ao nº 2 o narónés Roi López ambos por 3-2 e con remontadas.

Resulta satisfactorio ver que a canteira está viva polo ben do deporte, a pesar das dificultades destes tempos.

V TORNEO "CIDADE DE FERROL"

FELICITACIÓNS

FELICITAMOS Á AD VINCIOS POR ASCENDER A SUPERDIVISIÓN E A MONTE PORREIRO POR SUBIR Á PRIMEIRA NACIONAL

 

E aos que o tentaron, Oroso, Vilagarcía, Narón,..animalos para  que o poidan lograr na vindeira tempada.

Isto demostra que o tenis de mesa galego está nun dos seus mellores momentos, e hai que seguir traballando para mantelo e melloralo.

 

Tamén aproveitamos o día das letras galegas para felicitar a todolos galegos e galegas por ter unha ferramente que nos identifica e que debemos usar e protexer, que é de todos e todas.

 

O club San Xoan usa o galego en todolos medios de comunicación, interna e externa,  por norma, por obriga das administracións e tamén por convicción.



SOMOS DE DIVISION DE HONRA

  VICTORIA POR 4-2 SOBRE SAN SEBASTIAN DE LOS REYES







Milos, Cristobal, Ruben e Mateo

O pasado sábado o primeiro equipo do club logrou un fito histórico para a comarca ferrolana, ao ascender á División de Honra masculina nacional.

 

Chegaban como primeiros do grupo 1, lideres indiscutibles e favoritos tamén a lograr o ascenso, que fixeron na primeira das dúas oportunidades que tiñan.

 

O sorteo deparou un rival, a priori, mais asequible que Falcons ou Cártama por exemplo, o que facía medrar o optimismo, e así foi non fallaron, a pesar de que o local onde se desenrolaba a fase non reunía as condicións desexables, e que puideron ser mellores de concedernos a RFETM a organización da mesma, e polo visto sendo a nosa a mellor das ofertas en todolos sentidos.

 

Milos, Cristóbal, Ruben e Mateo, acaban de escribir a mellor páxina da historia do club, logo do xa realizado polo equipo feminino (María, Noa, Paula Padín, Sasha e Paula Fdez) o ano pasado, que tamén ascenderon á División de Honra feminina.

 

Estes feitos sitúan ao club como o máis sobranceiro, en canto a méritos deportivos, da comarca ferrolana e do norte de Galicia.

 

Agardamos poder seguir facendo historia, e tamén axudas para poder manter o logrado.

 

Grazas a todolos que nos apoiastedes, que tamén formades parte do éxito logrado.



MATEO CIBANTOS, CAMPION DE ESPAÑA

Mateo Cibantos no centro do podium como campión de España 2016

VENCEU CON AUTORIDADE SEN NINGÚN SET EN CONTRA

O xogador do primeiro equipo do club, Mateo Cibantos, venceu dun xeito rotundo no Campionato de España de xogadores veteranos, neste caso de +50, e que se disputou o pasado fin de semana na localidade sevillana de Tomares.

Mateo venceu en todolos seus partidos polo mesmo resultado de 3-0, incluso ao que partia como número un do campionato o catalán Pere Weisz, o escollo a priori mais dificil.

Tamén chegou a cuartos de final na competición de dobres facendo parella co sevillano Gonzalo Viguera.