FASE ASCENSO DIVISIÓN DE HONRA MASCULINA

Formacións no encontro con Marpex

UN ANO MAIS NA PRIMEIRA NACIONAL MASCULINA

Até a vila de Les Borges Blanques se desprazou o primeiro equipo masculino do club, a pasada fin de semana, coa fin de disputar a fase de ascenso á División de Honra masculina.

Alí se concentraron 18 equipos, primeiros, segundos, terceiros e 2 cuartos, por renuncias de dous equipos, o que favoreceu a nosa participación como mellor cuarto dos seis grupos da primeira nacional.

No primeiro dos sorteos, tocounos enfrontar ao Alzira valenciano, segundo do grupo 5, ao que vencemos por 2-4 na mañá do sábado.

No seguinte sorteo, xa non tivemos un rival tan asequible, xa que foi o segundo do grupo 3 o Marpex de San Sebastian, na foto, nun ateigado pavillón, e que nos venceu por 4-1, rematando así a nosa participación en dita fase.

Logo de finalizada a fase e aplicando a normativa, o club San Xoan fianliza como 6º equipo reserva, en caso de renuncias dos equipos que teñen dereito a participar na categoría de prata no vindeiro ano.

Queremos agradecer aos patrocinadores e a todos os que nos apoiaron nesta tempada, así como felicitar aos xogadores do primeiro equipo pola gran campaña.

FELICITACIÓN ESPECIAL, ao equipo feminino, que logrou o ASCENSO Á DIVISIÓN DE PRATA.

Parabéns tamén aos chavales que salvaron a categoría na Segunda Nacional, e ao equipo inclusivo SAN XOAN - ADM que ascenderon á Primeira Galega.

VAMOS Á FASE A DIVISIÓN DE HONRA MASCULINA

Cristóbal, Rubén e Mateo

A RENUNCIA DO HUÉTOR VEGA GRANADINO, PERMITENOS PARTICIPAR

A renuncia do equipo granadino do Huétor Vega, permitenos como mellor cuarto clasificado dos 6 grupos da liga regular (mellor coeficiente entre encontros gañados e perdidos e tamén en partidos individuais) participar na fase de ascenso á División de Honra masculina.

Dita fase terá lugar na cidade leridana de El Borges Blanques, os días 30 e 31 de maio.

O venres 29 ás 20 horas terá lugar o sorteo, no que entran 18 equipos, o sábado 30 ás 11,00 enfrontaranse os 6 primeiros de grupo da liga regular, entre si, para dilucidar tres prazas de ascenso, logo os que perden agardarán ao domingo os tres rivais que sairán, primeiro do enfrontamento entre segundos, terceiros e cuartos que subsitutuen ás renuncias, en dúas eliminatorias, sábado ás 11,00 e 

Polo tanto o noso equipo terá que superar 3 encontros eliminatorios, para poder lograr unha das tres prazas que disputan os 15 equipos restantes, unha vez resoltas as tres prazas entre os primeiros de grupo na liga regular.