FERNANDO ORJALES CAMPION SUB23 EN CANGAS

Fernando Orjales no centro do podium

VENCEU NA FINAL AO CORUÑÉS GABRIEL FERNÁNDEZ.

Este triunfo confirma a boa progresión do xuvenil Fernado Orjales, que apenas leva dous anos no club, e que procedía da natación, pero que ten unha capacidade de aprendizaxe moi boa, e agardamos que siga escalando nas diferentes categorias a través dos equipos do club.

Nesta tempada vai xogar na Primeira División Galega, logo do ascenso acadado a tempada anterior, formando equipo con Alberto Novo e María Calvo.

Queremos desde aqui felicitalo e animalo a seguir con esa tesón para acadar grandes metas.

III TORNEO INTERNACIONAL "CIDADE DE FERROL" DE TENIS DE MESA

Podium absoluto masculino, coa concelleira Susana Martinez.

RUBÉN GARCÍA 2º E DAVID MEIZOSO 3º, REPRESENTARON AO CLUB NO PODIUM

O xogador de Ribadumia e pertencente ao Helios Bembrive de Vigo, Marcos Sanmartin logrou por segunda vez o título na proba absoluta do torneo organizado polo club, Marcos venceu nas semifinais a Daniel Sánchez de Oleiros. Na proba feminina foi a xogadora de Arteal Judith Cobas a vencedora, segunda a ferrolana Diandra Cobelo, do club Cidade de Narón, e semifinalistas María Calvo de Cidade Narón e María Pena de Cinania.

III TORNEO ABERTO "CIDADE DE FERROL"

Susana Martinez, concelleira de deportes e o presidente do club Manolo Fernández

FOI PRESENTADO NA CASA DO CONCELLO 

A concelleira de deportes do concello de Ferrol e o presidente do club presentaron en rolda de prensa os eventos a realizar nos tres vindeiros fines de semana.

Éste sábado 24 e domingo 25 comezamos co xa tradicional III TORNEO CIDADE DE FERROL, que leva á par os III CAMPIONATOS GALEGOS DE PERSOAS CON DISCAPACIDADE, a levar a cabo no pavillón do CEIP SAN XOAN DE FILGUEIRA, onde ten a sede o club.

CIRCUITO GALEGO

Diego Quintero 2º en Monforte

Amigos e amigas, disculpade a demora en actualizarnos, a partir de agora vamos procurar estar ao día.

Como indicamos no título segue a actividade competitiva cos torneos do Circuito Galego, despois do de Monforte, no que o que vai ser xogador do club a partir desta tempada que comezaremos en cuestión de días, Diego Quintero, acadou o 2º posto despois dunha disputada final con Martín González (3-2) de Arteal, que está nun bo momento de forma, e apeando en semis a Ignacio Fernández, xogador do equipo de DH de Monte Porreiro, tamén noutro disputado 3-2.

Neste mesmo torneo Rubén García tamén nos dou unha grande alegría ao vencer en dezaseisavos a José Manuel Barros de Padre Isla de León, bo xogador defensivo, ao que Rubén venceu cunha claridade absoluta por 3-0.

Eles foron os mellores clasificados xunto con José Manuel Fernández (Golán), e tamén participaron Fernando García, Antonio Casal, Victor Paez e Fernando López.

Logo continuou a actividade co Torneo da Coruña, organizado polo Club do Mar, onde o sábado Rubén García acadou o 2º posto en xuvenil, como resultado mais destacado, e o domingo Diego Quintero foi o mais destacado apeado en 1/4 polo nixeriano Lawai Abioudum.

Finalmente o pasado fin de semana disputouse o mítico Torneo do Albariñó en Cambados, onde o resultado máis destacado o domingo foron os veteranos Fernando García e José Manuel Fernández apeados en 1/8 da categoría conxunta de veteranos, e o sábado Rubén García quen quedou apeado en  absoluto masculino por Fernando Padín de Cambados nos 1/16 de final.

Torneo Festas Patronais de Monforte

A pesar de estar de vacacións, o Circuito Galego, reanuda o ciclo de torneos o vindeiro domingo 12 de agosto na vila luguesa de Monforte de Lemos, nun torneo organizado polo club Ceibe TM.

En breve publicarase a normativa na web da FGTM, indicando así o prazo de inscrición, e salientar que volve ao seu formato de só categoría absoluta, despois de que o ano pasado fora organizado tamén en categorias.